Yeni il Milli Kitab Sərgisi

Dekabrın 15-dən Bakı İdman Sarayının (Əl Oyunları Sarayı) əsas zalında II Milli Kitab Sərgisi keçirilir.

“İlin Son Kitab Sərgisi” adlanan tədbirin açılış mərasimində tanınmış ədəbiyyat və mədəniyyət adamları, ictimai xadimlər, ziyalılar, naşirlər və media nümayəndələri iştirak edəcək. Müstəqil nəşriyyatların və kitab mağazalarının qatılacağı sərgi-yarmarka bir həftə davam edəcək.

Tədbirdə təqdimat mərasimləri, müxtəlif mövzulara həsr olunmuş panellər, film təqdimatları, şeir və musiqi gecələri, yazar, aktyor, müğənni, rep və stendapçılarla görüşlər, oxu saatı, motivasiya çıxışları təşkil olunub, uşaqlar üçün Şaxta Baba və Qar qızın iştirakı ilə xüsusi əyləncəli proqramlar hazırlanıb.

Xatırladaq ki, bu il sayca 4-cü kitab sərgisinin xüsusi vurğulanmalı tərəflərindən  biri də tədbirin  Yeni il bayramı ərəfəsində keçirilməsidir. Bu tip tədbirlərin təşkili əhalimizin kitaba olan marağını artırmaqla yanaşı, mədəni maarifçilik tərəfdən də xüsusi önəm kəsb edir.

Əlbəttə ki, kitab hardadırsa, biz ordayıq. Belə ki, “Bookzone” və “İZ  nəşriyyatı” olaraq  biz də bu sərgidə müvəffəqiyyətlə iştirak edirik. Xüsusi qeyd etmək istərdik ki, yeni məhsullarımız olan “Hacı Zeynalabdin Tağıyev” və “Balaca Şahzadə” şəkilli kraft, eləcə də “Naxışlı” kraft qeyd kitabçalarımız oxucularımızın marağına səbəb olur. “Yeni İl” kitab sərgisində “Bookzone kitabevi”nin bütün məhsullarını 50 %-dək endirimlə oxuyuclarımıza təqdim edirik.

Əlavə olaraq qeyd edək ki, sərgi dekabr ayının 22-si başa çatacaq. Yeni kitablarla tanış olub, yeni dünyaları kəşf etməyə tələsin!

Kitabla qalın, Bookzone...