"Quru" kitabla qarın doymaz

Fərdi inkişaf kitablarını oxuyanların hamısı dünyanı ələ keçirəcəklərina inanırlar. Həyəcanlanırlar. Həvəslənirlər. Uğur qazanmağın sirlərini, xoşbəxt olmağın yollarını, varlanmağın addımlarını saymağa başlayırlar. Amma nə sirrə hakim olurlar, nə qaydanı tətbiq edə bilirlər, nə addım atırlar. Günlərin birində bunların real həyatda qarşılığı olmayan "quru" tövsiyyələr olduğunu dərk edirlər. "Quru kitabla qarın doymaz" demək də fərdi inkişaf kitablarında yazılan təmtəraqlı məsləhətlərin heç birinin real dünyanın problemlərini həll etmədiyi gerçəyini xatırlatmaqdır. Fərdi inkişafın tək yolu var, o yol da bu dünyanın gerçəkləri haqqında baş sındırmaqdan keçir. Bu dünyanın reallıqları ilə məşğul olmaqdan başqa inkişaf yolu yoxdur. Bircə dəfə bu yola addım atsanız, üç-beş dənə fərdi inkişaf kitabi oxumaqdan, motivasiyadan, uğurdan daha çox şey öyrənəcəksiniz. Ən azı, oxuduğunuz fərdi inkişaf kitablarını xatırlayıb nə qədər lüzumsuz öyüd-nəsihətə məruz qaldığınızı, nə qədər cəfəngiyyat oxuduğunuzu başa düşəcəksiniz. Real inkişafa elə buradan başlayacaqsınız.