Qu quşu

"...Özünü yalnız hiss edən qu dərindən ah çəkdi. Boynunu yay kimi uzatdı. Qanadlarını çırpdı və havaya qalxdı. Hər dəfə qanad çalanda qanadlarının ucu suya toxunurdu. Sonra yüksəldi, yüksəldi. Dəniz çox aşağıda qalanda isə dikəldi, irəliyə doğru atıldı. İndi isti torpoqlar onu gözləyirdi Dostlarının keçdiyi o səssiz suların üzərindən onlarn ardınca gənc qu quşu da inamla irəliləyirdi”. 

Dünyü şöhrətli yazıçı Lev Nikolayeviç Tolstoy daha çox romanları ilə tanınsa da, həm də gözəl hekayələr müəllifidir. Onun hekayə yaradıcılğının bir qismini balaca oxucular üçün qələmə aldığı uşaq hekayələri təşkil edir. Hekayələrin hər birinin mövzusu, ideyası tərbiyəvi, öyrədici əhəmiyyət daşıyır. Kitabımızda yer alan "Qu quşu” hekayəsi motivasiya xarakterldir. "Xoşbəxt adamın köynəyi" hekayesində isə xoşbəxtliyin var-dövlətdə, dünya malında  olmadığından danışılır, “Qartal” hekayəsində ana məhəbbətinin gücünün şahidi oluruq. Digər hekayələrdə isə dürüstük, dostluq, sədaqət kimi müsbət keyfiyyətlərlə yalançılıq, acgözlük, hiyləgərlik kimi mənfi xarakterlər qarşılaşdırılır.