İslamda Qadın

Qadının cəmiyyətdə rolu və mövqeyi qədim zamanlardan müzakirə mövzusu olub, bu barədə mütəfəkkirlər, araşdırmaçılar və ideoloqlar müxtəlif görüşlər irəli sürüblər.

Bəşər tarixində qadına ən yüksək dəyəri İslam dini vermiş olsa da, təəssüf ki, həm qədim zamanlarda, həm də müasir dövrdə sadə müsəlmanlar və bəzi hallarda alimlər tərəfindən İslamda qadın mövzusu nəzəri və praktiki müstəvidə səhv anlaşılıb və icra olunub.
Bu baxımdan böyük İslam alimi Nuri Həmədaninin həm tarixi, həm də ideoloji cəhətdən ciddi şəkildə araşdırıb ortaya qoyduğu fundamental bir əsər olan “İslamda qadın” kitabı xüsusi əhəmiyyət daşıyır. Kitabda qadınlarla bağlı İslama əsaslanaraq ortaya atılan bir çox məşhur fikirlərin, əslində, yanlış olduğu və İslam prinsiplərinə uyğun olmadığı göstərilir. Belə ki, qadının məkr və hiylə mənbəyi olması, onun yaradılışda ikinci dərəcəli hesab edilməsi, zəif bir varlıq kimi təqdim edilməsi, ümumiyyətlə, qadınla kişi arasında hər hansı şəkildə fərq qoymağın qətiyyən Quran və Əhli-beyt yanaşmasına uyğun olmadığı sübut edilir.