Kulis.az “İlin hekayəsi” müsabiqəsinə start verib.

Kulis.az 15 noyabr və 29 dekabr tarixləri arasında keçirələcək “ İlin hekayəsi” hekayə müsabiqəsinə start verib.

Belə ki, müsabiqədə iştirak üçün yaş və ya mövzü kimi hər hansı bir məhdudiyyət yoxdur, eləcə də öncədən dərc edilmiş hekayələr də müsabiqədə iştirak edə bilər. Hekayə qəbulu bu ilin dekabr ayının 10-a qədər davam edəcək. Müsabiqə üçün göndərilən bütün hekayələr Kulis.az saytında dərc olunacaq. Qaliblər təyin olunmuş münsiflər tərəfindən seçiləcək. Münsiflərin adı gizli saxlanılacaq. Qaliblərin adları bəlli olduqdan sonra münsiflər heyətinin də adları açıqlanacaq. Hekayələr münsiflərə anonim imza ilə təqdim olunacaq. Qaliblərdən biri Kulis.az saytının oxucuları tərəfindən seçiləcək.

Qeyd etmək lazımdır ki, bu növ müsabiqələrin keçirilməsi ədəbiyyatımıza böyük töhfədir. Statistik göstəricilərə göstərir ki, müsabiqəyə müraciət edənlərin əksəriyyəti gənc nəslin nümayəndələridir. Bu, sevindirici haldır ki, ədəbi-mədəni irsimizin davamçıları belə müsabiqələrə maraq göstərir. Arzu edirik ki, bu tip müsabiqələrin təşkili ənənəyə çevrilsin və gənclərimizin ədəbiyyata olan marağını artırsın.

İştirakçılar hekayə ilə birlikdə özləri haqqında məlumatı (ad, soyad, ata adı, təhsil səviyyəsi, əlaqə nömrələri, fotoşəkil) kulis@lent.az ünvanına göndərməlidirlər. Hekayənin müsabiqə üçün göndərilməsi mütləq qeyd olunmalıdır. Qaliblərin adı 2021-ci il dekabrın 29-da açıqlanacaq. Mükafatlandırma mərasimi həmin gün saat 15.00-da APA Holdinqdə keçiriləcək.

Mükafatlar:

Birinci yerin qalibi - 1000 manat,

İkinci yerin qalibi - 800 manat,

Üçüncü yerin qalibi - 500 manat pul mükafatı ilə mükafatlandırılacaq.

"Bookzone kitab evi" olaraq bütün iştirakçılara uğurlar arzu edirik...

Mənbə: kulis.az