İki seçim

Hüseyn Telman oğlu Əlili 2003-cü ildə Cəlilabad rayonunun Göytəpə şəhərində anadan olub, 2009-cu ildə Bakı Atatürk Liseyində ibtidai təhsilə başlayıb. Uşaq yaşlarından tarixə və yazıya böyük maraq göstərən müəllif 8-ci sinifdə ilk məqaləsini qələmə alıb və bir müddət sonra üç  məqaləsi yayımlanıb. 2020-ci ildə yenidən fərqli
mövzularda məqalələri Azərbaycan və İngilis dillərində yayımlanıb, onlardan “Difai” haqqında olan yazısı türk dilində məşhur "Türk Dünyası Tarih Dergisi” adlı jurnalda çap olunub, Hadisələri Azərbaycan tarixinin önəmli dövrlərinin birində cərəyan edən "İki Seçim” adlı roman müəllifin ilk əsəridir. 

Avropada təhsil alan və orada yaşayan Kazım Həsənov rahat həyatına davam edərkən 1905-ci ildə vacib bir məktuba görə hər şeyi tamamilə tərk edib gərgin vəziyyətdə olan Azərbaycana geri dönür, Azərbaycan türkləri və ermənilər arasındakı qırğının ən şiddətli zamanlarında doğma şəhəri Gəncəyə geri döndükdən sonra fərqinə varır ki, əsarətdə qalan vətəni üçün xidmətin ən uyğun zamanıdır. Ona “Difai” firqəsi tərəfindən tam istədiyi şəkildə bir təklif verilir, ancaq bu təklif onu heç gözləmədiyi iki seçim qarşısında qoyur. Ya özündən çox sevdiyi insanları qurban verərək çox çətin şəraitdə olan vətəninə xidmət etməlidir, ya da qəbul etməyərək belə vacib işdən əl çəkməyin peşmançılığın yaşamalıdır.