Gecikmiş Hekayələr

“Gecikmiş Hekayələr” kitabına Seymur Baycanın son bir ildə yazdığı 44 hekayə daxil edilib. Müəllifin qələmindən çıxan “Ət və ət məhsulları", “18,6 cm", “Körpüsalanlar", “Quqark” romanları, “Ana ürəyi” povesti, “Həyatımın ən xoşbəxt günü”, “Adsız itin qayıdışı" hekayə kitabları və 4 cilddən ibarət “Mənim mübarizəm” məqalələr toplusundan sonra “Gecikmiş hekayələr” Seymurun oxucularla 12-ci görüşüdür. Müasir Azərbaycan nəsri deyərkən ilk yada düşən imzalardan biri olaraq Seymur Baycan özünün realist üslubuyla dövrümüzün bədii portretini ustalıqla yaratmağı bacarır, sizə təqdim olunan bu kitabdakı hekayələrdə də gerçəkliyin amansız mənzərəsi öz əksini tapmaqdadır.