Hansısa elm sahəsi üzrə bilikləri, başqalarının yozumundan deyil, onun öz yaradıcılarının əsərlərindən, başqa sözlə desək, ilkin qaynaqlardan oxuyub öyrənməyin ən düzgün yol olduğu danılmazdır. Cinsi yaşam, cinslərarası ilişkilər üzrə anlaşıqlı biliklər qazanmaq baxımından Azərbaycan oxucusunun yararlana biləcəyi qaynaqların çox az olduğu da hamıya bəllidir. Alatoran Yayınları, antropologiyanın, sosiologiyanın, seksologiyanın yaradıcılarından olan üç böyük alimin əsərlərinin toplandığı bu kitabı oxucularımıza çatdırmaqla var olan boşluğu az da olsa doldurmağa çalışmışdır.