SOLFRONT-un növbəti nəşri azərbaycanlı marksist jurnalist-yazar Məmməd Süleymanovun "Çe Gevaranın son sirri" kitabı müəllifin müxtəlif vaxtlarda yazılmış məqalələrindən seçmələr şəklindədir. Ayrı-ayrı vaxtlarda yazılmasına baxmayaraq, yazılar kitabda sistemli şəkildə müəyyən uyğunluq əsasında yığılıb. Kitab 6 fəsildən ibarətdir. Hər fəsil nəzəri, ideoloji, siyasi, iqtisadi, tarixi biliklərlə yanaşı növbəti oxuyacağınız kitabı yaxud baxacağınız filmi müəyyənləşdirməkdə sizə köməkçi olacaq. Yaxud da artıq baxdığınız filmə, oxuduğunuz kitaba yeni yanaşma ilə tanış ola biləcəksiniz. Azərbaycanda bu istiqamətdə nəşrlərin olmadığını nəzərə alaraq, oxucular üçün çox faydalı olacağını öncədən söyləmək olar.