99% üçün Feminizm - Manifest

Əlinizdə tutduğunuz bu manifest uzun illər aparılan nəzəri araşdırmalar və bütün dünyada yeni nəfəs qazanmış sol feminist etirazlar nəticəsində ərsəyə gəlib . Müəlliflər Çinziya Arruzza , Tithi Bhattaçarya və Nensi Freyzer kapitalizm çərçivəsində sinif və gender , istehsal və sosial reproduksiya üzrə dərin araşdırmalar aparmış , həmçinin 2017 - ci ildə ABŞ - da baş tutan qadın tətillərinin təşkilatçıları və iştirakçıları olmuşlar . Manifestin adı 2008 - ci il maliyyə böhranından sonra meydana gəlmiş " Occupy " ( " İşğal et " ) hərəkatının " Biz 99 % -ik " şüarından götürülüb və əzilən , istismar olunan və haqları əlindən alınmış 99 % -in rifahını təmsil edən feminist hərəkatın on bir təməl tezisini təqdim edir .

Özünü " Kommunist Manifesti " nin xələfi elan edən bu əsər mövcud problemlərə radikal baxış təqdim edir . Daha çox gündəmdə olan liberal feminizmdən fərqli olaraq , yaşadığımız cəmiyyətin anatomiyasını ifşa edir və iddia edir ki , gender bərabərsizliyi və zülmü mövcud kapitalist istehsal münasibətlərinin və bu münasibətlər üzərində qurulmuş sosial - siyasi əlaqələrin tərkib hissəsidir . Yəni , gender problemi mövcud iyerarxiyanın daha bir təzahürüdür və bu iyerarxiya məhv edilmədən gender zülmünə son qoyula bilməz . Manifestin on bir tezisdən təşkil olunması təsadüfi deyil . Karl Marksın 1845 - ci ildə yazdığı " Feyerbax haqqında tezislər ” də on bir müddəadan ibarətdir . Burada sonuncu tezis filosofların vəzifəsinin təkcə dünyanı izah etmək yox , onu dəyişdirmək olduğunu irəli sürür . Hazırkı manifest bizə dünyanı dəyişdirmək üçün hansı addımları atmalı olduğumuzu demir , o yalnız ilk addımı atır - cəmiyyətimizin xəstəliklərinin diaqnozunu qoyur və digər anti kapitalist ictimai hərəkatlarla ittifaqın zəruriliyini vurğulayır. Növbəti addımları müəyyən etmək isə bizim vəzifəmizdir .